Продолжение - см. начало

Тейтернесь оршасы таштыне шубанзо ды тонгсынзе лембе кемензэ. Чиезь туи. Аламо шкань ютазь велявты мекев.

ДАРЯ БАБА. Эзить кельме? Ванта, весе сэрьсэть сорнат. Пильгеть ловсо эрявить ёзамс. Аштек, нейке ушосто совавтан. Сыргозиндеряй покштят, серьгедик Яхимень. Шка уш ускомскак сонзэ.

ЯША (кавто кедьсэ сельмензэ ёзазь). Кода тантейстэ удовинь. Ушось ашолгадомо кармась, шка сыргамс. Равонть трокс эряви ютамс. Тува седе курок пачкодтяно. (Ушодсы «Вниз по Волге-реке» моронть.)

ЯША (Просканень). Нолдык вайгелеть тонгак, пиже дугай! Сон тонь пек мазый, сюпав, вельть шождасто сови седейс.

Морыть. Сови сырькаесь, ушоды тейтерненть пильгензэ ловсо ёзамо, ды сонськак ладясы мартост вайгелензэ.

ВЕТИЦЯСЬ (эль марявиця музыкань пачк). Русланова Лида кармась морамо вете иесэ. Меельце ёнов сон кортыль: «Моротне эйсэнь тонавтсть, кастасть-трясть, сельмень панжизь эрямонть лангс...». Велесэ морсильть эрьва косо: кудосо, паксясо важодемстэ, истяк чистэ ды покшчистэ, тейтерень аштема кудосо...

Сценанть лангсо эземть, стувор, кона вельтязь столешниксэ. Стуворонть лангсо ташто самовар, кукшун, симемань кедьёнкст. Аштема кудонтень пур-навить од тейтерть. Сынь морыть «Окрасился месяц багрянцем» моронть. Сови Яша. Сон тейтерень оршамосо.

ЯША (тейтеръ ладсо тейнезь-кортазь). Вечкевикс оинень-ялгинень, некак, куватьс аштевиде нупальсэнк! Ушосонть тундонь ильтема, кизэнь вастома шка! А тынь аштетядо кудосо. Адядо мольтяно лей лангов!

ТЕЙТЕРТНЕСТЭ ВЕЙКЕСЬ. Каня алужонь вешнеме сыргат, тейтерь-Яшуля?

ЯША (виздезь ладсо, кувакасто оймензэ таргазь). Тейтересь мои пайстоман: кияк эйсэнь мирдененьгак  а саи. Молян мартонк, тейтерть-какат, вирев, кодан каштазнэ, ёртса чудиця ведентень. Вечкевикс оинеть, паряк, уцяскась моненьгак кучи алуж. Сонзэ марто седе шожда ули ютамс эрямонь кияванть. Сонзэ марто сельведть а валан, седей а сезнян, карман улеме мартонзо сехте уцяскавокс. Вейсэ карматано кеняркшномо...

2-ц е ТЕЙТЕРЕСЬ. Саты теть безардемс, седе паро ули, бути морот серьгедьсак!

ЯША  (мизолдозъ, тейтеренъ вайгельсэ ушоды морамо).

Уж ты сад, ты мой сад, сад зелёненький...

ТЕЙТЕРТНЕ.

Ты зачем рано отцвёл, обсыпаешься?..

Тейтертне моразь сыргить сценанть удалов. Марявить вайгельть: «Каштазтнэнь кодамс! Ведентень ёртомс! Одирьвань вешнеме!..» Сценась чополгады.

ВЕТИЦЯСЬ. Тейтернесь сисем иесэ кадовсь тетявтомо-ававтомо: авазо кулось, тетязо чавовсь Рузонь-япононь войнасо... Саратовань урозонь кудо, косо эрямозо мольсь чопода ве ёнов, косо Лида, ризнэзь-мелявтозь, морсекшнесь ськамочиденть ды оймень ризкстнэде. Вайгелезэ калавтсь седейть. Сон морась церьковань хорсо. Урозонть кунсоломо сакшность ламо наймунт.

Церьковасто лисезь, Русланова вечксь «Липа вековая» мо­ронть морамо.

Кемнилее иесэ Лида кармась важодеме мебелень фабрикасо полировщицакс. Тесэ сон васенцеде маризе ошонь казямо моронть-морыненть. Самай те шкастонть ушодовсь Лидань морамонь шкинемазо.

Сценанть лангсо ХХ-це пингень ушодома шкань робочеень вейсэнь кудонь нупальне. Стувор, табуреткат... Зярыя цёрат ды тейтерть морыть.

По Дону гуляет, по Дону гуляет,

По Дону гуляет  казак молодой,

А дева рыдает, а дева рыдает,

А дева рыдает над быстрой рекой.

К девице подходит, к девице подходит,

К девице подходит казак молодой.

Вейке тейтеренть малас сы цёра ды кевкстни эйсэнзэ моразь.

Ц Ё Р А С Ь.

О чём, дева, плачешь, о  чём, дева, плачешь,

О чём, дева,    плачешь, о чём слёзы льёшь?

ТЕЙТЕРЕСЬ.

А как мне не плакать, а как мне не плакать,

А как мне не плакать, слёз горьких не лить?!

Цыганка гадала, цыганка гадала,

Цыганка гадала, за руку брала.

Тейтеренть ёнов сыргась ялганзо эйстэ вейкесь, оршазь цыганавакс.

Я Л Г А С Ь.

Погибнешь ты, дева, погибнешь ты, дева,

Погибнешь ты, дева, в день свадьбы своей...

Ц Ё Р А С Ь.

Не верь, дорогая, не верь, дорогая,

Не верь, дорогая, цыганки все врут.

Морамодо лотки, пшкади Лиданень.

Ц Ё Р А С Ь. Морак, морак тенек, Русланова! Мон пек вечкан кунсоломот.

ТЕЙТЕРЕСЬ. Морак, Лидакай, морак! Тон сехте мазыйстэ морат.

ЛИДА. Паро, паро, карман морамо, сестэ тыньгак лездадо. Кодамо моро ушодомс?

Цёратне ды тейтертне сеерить моронь лемть. Морави «Златые горы» морось.

ТЕЙТЕРТНЕСТЭ ВЕЙКЕСЬ. Кода тонь парсте лисни! Оймень путозь, мазыйстэ, кувакасто.

Ц Ё Р А С Ь. Ды мезть теде кортамс?! Валт арасть. Тон — валдо тештине!

2-це Ц Ё Р А С Ь. Тон оштё морак тенек, тонь планонть минсь топавтсынек, тень кисэ иля ризнэ.

Лида морасы «Выйду ль я на реченьку» моронть. Маряви фабрикань увнома (фонограмма).

ЛИДА. Оно, важодеме тердиця минек цёковонокак моразевсь! Тевс кундамо терди.

Цёратне ды тейтертне туить. Сценась чополгады.

Продолжение