***

Парсте соды весе велесь,

Мон кодаман эрьва чине:

Роботадонть эзинь пеле,

Слава мельга эзинь чийне.

Бути анок вальма рамась —

Суликанть а кода стувтомс.

Мезесь теевсь, мезесь рамавсь —

Весе эйкакштнень лангс путовсь.

Кенярдомс монень эряволь

Сынст паро эрямост кисэ,

Ансяк истямо эрямось —

Ризнат кисэст телеть-кизэть.

...Кассь, якстерьгалесь умаресь,

Зярдо шкась сась — парсте  кенерсь.

Весе неизь, весе маризь:

Прась умаресь — васов кеверсь.