Од иесь сась

Одс Од иесь тенек сась.

Моли вирьганть Ловатясь,

Ванны ули-паронзо,

Кодат ёжост чувтонзо,

Вельтизе эль ловось моданть,

Зверть, нармуннеть эрить кода.

Моли вирьганть валдо марто.

Вансы: нумол левкскеть кавто,

Кузонть ало сынь авардить –

Лапинесткак кельместь – тардить.

Ансяк варштась Ловатясь,

Мезе теевсь, сеск фатясь.

«Оно мезень тесэ тевтне:

Праздникс эзизь сай покш звертне».

Мерсь Ловатясь:

- Кадыдизь.

Адядо, монсь сайтядызь.

Зепезэнзэ озавтынзе –

Ёлкав-праздникев пачтинзе.

Зяро ульнесть кенярдомат:

И морамот, и киштемат!