***

Ланга киртазь аламодо,

Псисэ лекси розень кшись.

Сонзэ эйсэ танстесь модань,

Сонзэ эйсэ кекшезь чись.

Сонзэ эйсэ неян, кода

Витьстэ паксяв чии кись,

Сонзэ эйсэ неявить тень

Коське пуворькс марто кедть,

Конат путсть те кшинтень вийтнень

Тундонь,

Кизэнь чить ды веть;

Сонзэ эйсэ мазысь виртнень,

Конат карксыть пакся петь.

Сонзэ эйсэ

Сексень читнень

Сырнень казнетне кекшнить...