ВИРЬ УДАЛО

Вирь удало, лей чиресэ

Тейтерть экшелить.

Налксить-эльнить, сравтызь черест,

Ашо рунгост шлить.

А чипаесь псинзэ каи —

Веденть ланга чов.

Вана вейкесь эйстэст уи,

Прок менельга ков.

Еност ваныть од цератне —

Стувтызь пелюмаст...

Цяпор тикшесь эрзянь пурекс

Чаракавты пряст.

Сэнь менельстэнть норовжорчтне

Морот певердить.

Пандонть сэрьга мастумартне

Толгелькс якстердить.

Коштось пештязь мекшень шалтсо,

Цецятнес ойсить.

Комсить састо, палсезь ладсо,

Медярвонть саить.

Арась тарка седе мазый!

Ков а молевлить...

Тиринь енксось свал седейсэнь

Яла тов терди.

Вирява. Перевод. М.Моторкин. Вирь удало/ За лесом

http://club.foto.ru/gallery/images/photo/2007/07/19/896300.jpg