ОЗЯЗ / Воробей 
Чаразь-велязь коштканть лопат уить,
Вайгельтеме,ледезь нармунькс,прыть.
Обед ёнов грацтне капшазь туить:
Сынь то ёно эсь эйкакшост трить.
Ансяк велень озязось а туи
Грацтнень мельга сядо паксянь трокс;
Сон эстензэ лембе тарка муи-
Якшамодонть кекшни олго потс.
Аволь кежей, сёрмав, чоледиця,
Лато алов мади апак пельть.
“Чик-чирик!” – сон теке коське спицька,-
Эжди морынесензэ менель.
Мон вечтядызь,озякинеть,оймсэм,
Зярдояк а серьгалян тынк лангс.
Моньскак эрян озязокс,эс койсэнь,-
Виень коряс кандан моронь канст.
Эрзянь морос гайги седей сансон,
Сон Монь терди чинек-венек тов,
Косо цёковкс озяз моры вакссон,
Косо прям в вельти кандылов.
| 
