Раськень сыргозтема моро

Стядо, эрзят, стядо, ялгат,

Масторавась эйсэнек терди,

Стядо, эрзят, стядо, ялгат,

ЭРЗЯНЬ МАСТОРОСЬ умок терди.

Лелят-сазорт, патят ялакст,

Лавтовдо лавтовс минь стятано.

Эсь моронть кис, эсь ойменть кис

Вейке-вейкенень кедь венстяно!

Минек покштятне умонь шкасто

Пачтизь миненек сырнень келенть.

Сон вирень лисьмакс жойни састо,

Эжди, кецявты эрзянь меленть.

Кежей пурьгинеть зяроксть вачкодсть!

Зяроксть стякшность куломань коволт!

Сынь эрзянь оймес, седейс пачкодсть

Ды кадность тозонь чентий тонолт.

Эрзят! Пандя аштемс пульзядо!

Урень уцясканть минь ёртсынек.

Сы шкань эрийнень ансяк стядо

Эрянь оймень толонть макссынек.

Стядо, эрзят, стядо, ялгат!

Масторавась эйсэнек терди.

Стядо, эрзят, стядо, ялгат,

ЭРЗЯНЬ МАСТОРОСЬ умок терди.

Лелят-сазорт, патят- ялакст,

Лавтовдо-лавтовс

Минь стятано.

Эйденек кис, сы шканок кис

Вейке-вейкенень кедь венстяно!

Вирява. Перевод. Маризь Кемаль "Раськень сыргозтема моро". Эрзянская "Марсельеза"