Ашо ялга

Чипаенть налдонзо вельмевлинь,

Кизэнь чись максоволь тень кошт…

Таго-зярдо истя меревлинь,

Ней жо ютксонок ансяк ошт.

Пиземень шкане эйстэнь туить –

Ловонть марто оймемгак кельмесь.

Эзинь чарькоде – ялга муинь.

Те – пичкавтыця ашо телесь.

Ды, вана, кизэнь тошна псисэнть

Учан сёксень виев валоманть,

Конась седейсэнь мадьсы кисэнь

Виев толонть стяко паломанть.