Ольга Ивановна Антипова

                  Валморот

Мон чачинь 1965-це иень аштемговонь 30-це чистэ Отяжбуень эрзянь вишкине Тазнелесэ. Тесэ жо прядынь ушодомань школань ниле класстнэнь. Седе тов поладыя тонавтнеманть шабра Ламбаськесэ, кона ашти минек велинеденть колмошка вайгельбень тарка. Ледстнян, пек вечкилинь кунсоломо радионь пачк эйкакшонь кужосо ютавтневиця покшчитнень молемаст. Бути а тондавилинь се шкастонть кудос, авам лисиль ульцяв ды сеериль семс, зярс а редясамам кудов чиемстэ. Паряк, сестэ вельмеськак эйкакштнэнень покш вечкемась… Зярдо прядынь кавксо класстнэнь, молинь тонавтнеме Ицялонь педучилищав.

1984-це иень таштамговонь васенце чистэ ушодовсь монь важодемань ким тиринь велень ушодомань школасо. 1986-1990 иетнестэ тонавтнинь М.Е.Евсевьев лемсэ Мордовской государственной педагогической институтсо "Педагогика и методика начального обучения" факультетсэ. Ды вана уш комсьсисемгеце ие ветнян "тонавтнемань масторга" вишка оинень.

"Мекс кадовить велес?" кевкстеманть лангс яла отвечан: "Велесь свал кочкси ломанензэ, – конань ошов паньсы, конань эстензэ кадсы. Кадозетнень таго путни-ладси таркаваст: конань кшинь кастомо, конань – ракша мельга якамо, конань – поладксонок тонавтомо..." Мон – колмоцетнень ютксо...

2009-це иестэ карминь варчнеме виень стихень сёрмадомасо. Вечкан ловномо сёрмадовксон тонавтницян туртов, ялганень, велень эрицятненень. Сынь печатавкшныть райононь газетасо, вечкевикс "Чилисемасо", "Эрзянь правдасо".