Вал  авадон

Лавсенек ашти путозь цюлансо,

Ансяк эйсэнзэ аволь пакшине.

Тесэ умок минь, кадык нуласо,

Авань икеле цецякс касынек.

Минь апак фатя весе касынек:

Аня, Числавка, Валя, Томине,

Рая, Микольне, Лида – сисемнек

Виеть, шумбрачить, авай, сезнинек.

Венстязь кеденек, теке сёлминеть,

Тонеть ливтякшность, сорнозь бажакшность.

Эйдеть мештезэть, авай, лепшитилить,

Сеске оймильть сеть, конат лажакшность.

Ёжов сельмесэ ваныльть тякинеть

Мазый чамазот эрьва потямсто.

Авай, ципакакс мельгат якинек.

Тенек ойметь тон путык эрямсто.

Эйкакш пингстэ тон минек ванстымизь.

Паронь арсицякс тримизь-кастымизь.

Сайса портреткеть, чамат паласа.

Свал тон, авинем, оймем маласат.