МОНЬ МОРОН

Морот кастынь оймень пургондавксокс.

Эйсэст славан тонь, чачома край.

Морон налтокс васолкстнэнь ютасызь —

Вельдест пачтян сюкпря мик чипайс.

Моротнес путан эсь седей вием,

Эрьва ломанентень казян сынст.

Мон макссынь сынст туртов ютазь иень,

Тенет сы шкань весе иень макссынь.

Моросон бажан весень кецявтомс,

Вельдест бажан ламоннень лездамс.

Од эрямонть гайгеме кармавтомс,

Стакачитнень моросо изнямс.

Морон марто молян мон икелев.

Сынь ветить монь эйсэ вандынь чис.

Мартост седеяк вечкса Отчизнам,

Ине тевс монь морон мартом лиссть.