***

Конить сельметь, конить,
Иля вано ёнон,
Иля вано ёнон,                   

Велявтт удалъёнт.

Кадык китькак лият

Пильгезэть сюконить,

Кадык китькак лият

Кисэть сезнить онт.

Иля вано ёнон,

Ванта, кие вакссот:

Черензэ ожолдыть,

Сырнень, секень вант.

Вана сон тонь кисэ

Оймензэяк макссы,

А эряви алтнемс

Иневедть ды пандт.

Иля вано ёнон

Валдо-сэнь вановтсо.

Содан: сельметь — отьмат,

Ваят — а лисят.

Сайса эсень рунгом

Ды чувтокс сорновтса,

Седейзэнь панжомат

Чочан нилесядт.

Иля вано ёнон,

Иля онкстне вием,

Иля онкстне вием,

Эль-эль машты сон...

Ней эряви тенек

Кавто пелев чиемс —

Каладсть панжоматне

Вейкень пес потсон.