|
|
Ревизов Николай Егорович. Чачома велесэ
ЧАЧОМА ВЕЛЕСЭ
Чизэ валгсь, сутямсь
менелесь,
Чокшнень зорясь палсь,
Лейненть вельксэ мазый
пелесь –
Сэтьме валдо валсь.
Оймась велесь,
кирвайсть тештне,
Ютась стака чись.
Виренть ендо салавине
Покш пря ковось лиссь.
Удок, удок, тиринь
велем,
Валдо онт арсян:
Мон тондеть эсень
седейсэ
Морыне моран.
Удыть ломанть,
чинь-чоп стомазь,
Валдо онт неить.
Удыть лашсо, удыть
псистэ,
Валске, кода эрьва
чистэ,
Мазый тевс кундыть.
Ансяк монь а сы
удомам,
Ледстемадо пешксе
мештем…
Вельть содавикс кудонть
вельксэ
Палсь вечкемань минек
тештесь.
|
| Категория: Стихи | Добавил: tati (09.10.2009)
|
| Просмотров: 1426
| Рейтинг: 5.0/2 |
|
|
|
