Тонеть мораса те моронть

Чачома край, келей ды валдо,

Вечкса мон тонь мазый тюсонть

Сон авань вановтсо сияжды.

Вечксынь паксят, виреть, лугат,

Шольниця ведеть домка лееть.

Тон свал монь седейсэ гайгат

Морыця нармунень вайгельсэ.

Чачома край, тиринь мастор,

Эжди эйсэнь лембе седееть.

Эльнить – кольнить, теке сазорт

Сурась ды Мокшась – валдо лееть.

Мокшо-эрзянь вечкевикс край!

Мон секс моросо шнан тонь эйсэ,

Што свал сыргозстят валдо май

Гайтевстэ морыця седейсэнь.