***

Велесэ атякштнэнь морост гайтевть,

Кода част, шканть видестэ ёвтыть.

Сынь теть, тетянь мастор, Пикшня велем,

Валдо улезэ эрямо кить!

Аштян икелеть, превтеме цёрат,

Зяро шка тей эзинь токакшно.

Азгондинь весе масторонть келес

(Уцяска тень истямо пракшнось).

Виев вармась сюконявтни поенть

Ды верьгизэкс ардтни паксяванть.

Вечкевикс велем совась монь оймес,

Зярдояк эйстэнзэ а яван.

Улить чинть ало сюпав эрицят,

Ды таркасткак Пикшнядо мазыйть,

Ансяк мон тонстеметь а неицян,

Тон нейгак максат монень од вийть!