МИТЯ ШКОЛАВ А ПУРНАВИ

Митя ансяк сы школасто,

Ёртсынзе ков понгсь варьганзо

Ды прянзо велькска шапканзо

Апак арсе, эрязасто.

Валске школав а пурнави:

А соды, косот варьганзо,

Косо шапказо, котанзо.

Свал сонензэ лездамс сави.

Авазо, тетязо вешнить:

Зярс а мусызь, а туеви.

Аволь курок сынь муевить,

Мерят, шайтянт эйсэст кекшнить.

Сонськак вешнезь велязькады,

Апаркстоми мик мелезэ.

Школав чии — эрязкады,

Мештес новоли келезэ.

Весть сон неи мазый он:

Сынсь чийсть сонзэ пильгс котатне,

Пряс шапкась ды кедьс варьгатне.

Кортамост кунсолы сон:

— Эрьва пенчесь, эрьва цяркась

Кудосо путозь эсь таркас.

Митя, витика меленек:

Мук тонгак тарка миненек.

Таркастонок свал мусамизь