Васень пиземе

Минек пелев позда вене

Васень пиземесь пачкодсь.

Валскень стязь ансяк маринек

Виздезь вальмантень вачкойсь.

– Мекс, пиземе истя пелезь

Минек енкстнэва чалгсят?

Сехте питней, тердезь инжекс

Минек пеле тон улят.

Шкастонзо сыть, тон, пиземе,

Мольть кувать, иля лотка.

Вадринестэ валнык моданть,

Евтатано теть "сюкпря".

Алов комавтызе прянзо –

Те иестэнть позда сась...

Чумочинь витемань кувалт

Чоп валомо сон алтась.

Кирдизе кеме валонзо –

Сэтьместэ чинь-чоп валы...

Карминек уш мелявтомо-

Талайс ней, нать, а ули?

– Прят иляк севновт, пиземе,

Илямизь стувтне, сакшнок!

Пакся-пирес путовксонок

Шкастонзо яла валнок!