Тундось сась!

Тундось сась! Тундось сась!

Теде грацть тенек пачтясть.

Велькска ливтнить, теке азорт,

Эрьва кудос кулянть кандозь.

Тундось сась! Тундось сась!

Теде чипайсь яволявтсь.

Ней, марят, шказо а эрси

Эрямс пель экшесэ кекшезь.

Тундось сась! Тундось сась!

Чудикерькст теде морасть.

Курок кундсесть кедте кедьс,

Капшазь сыргасть иневедьс.

Тундось сась! Тундось сась!

Чувтотне теде евтасть.

Телень оршамнест ертызь,

Пургондавксост лангс ливтизь.

Тундось сась!  Тундось сась!

Эйкакшт тенензэ кецясть.

Уйнить венчкеть,сынсь чийнить,

Раксить, сеерить, пижнить.

Тундось сась! Тундось сась!

Теде атякштне марясть.

Сараз марто ульцяв лиссть,

Шукшпрясо кенярдозь киштсть.

Тундось сась! Тундось сась!

Ломантне теде содасть.

Ченгезь ойметне кирвастсть,

Покш мельсэ тевтнес кундасть

Тундось жо мизолдозь шашты,

Шумбракстнеме пек сон машты.

Кинь васты - кутмори, палси,

Весеменень паро арси.