ЭРЗИАНА эрзянский литературный сайт

ПРЯКСЛОПА
Категории раздела
Мои статьи [336]
Стихи [571]
КАВТО ВАЛСО
Статистика
Главная » Статьи » Стихи

Ольга Ивановна Антипова. Тиринь веледе ризнэма

Тиринь веледе ризнэма

Савсь туемс тиринь велестэнь.

А кувать – теде содан...

Мекс кавтолды монь седеем?

Мон жо мекев велявтан...

 

Молян ошонь ульцятнева,

Ютыця лангс сельмть кепсян –

Марявить весе уцяскавкс,

Ансяк ве мон пайстоман...

 

Тошнакадынь велем кисэ –

Теде седеем корты...

Чинек-венек сон монь ризны,

Тиринь енксонтень терди.

 

Сельмень ансяк мон конясынь –

Велем ульцянзо неян...

Эрьва кудос умонь ялгакс

Шожда эскелькссэ сован...

 

Вановтом каяса тия –

Азор марто шумбракстнян,

Ванан-теян тевтне вадрят,

Седей сеске оймавтан.

 

Истя веленть арсемасон

Педе-пес ютнеса састо,

Чалгсян перька яннэтнень,

Совсян эрьва кудонтень...

 

Ежосон кармась шождыне:

Эсь велезэнь пачколинь.

Кадык ансяк арсемасон

Тиринь енксосон ульнинь.

 

Категория: Стихи | Добавил: tati (06.11.2010)
Просмотров: 1370 | Рейтинг: 0.0/0 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[19.01.2010][Стихи]
Александр Арапов. С... (1)
[21.10.2010][Стихи]
Исланкин Юрий Иванов... (0)
[24.01.2010][Мои статьи]
Регина БУДАРИНА. Пут... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2024
    Сделать бесплатный сайт с uCoz