Панго мельга

Вечкан кизна валске марто

Панго мельга мон якамо.

Вечкан нееме чинь стямонть,

Мазычи оймес таштамо.

Перькан куракшт, сэрей чувтот

Чокшнэнь оност тень евтнить.

Ки чирева мазый цецят

Ведьбайгетнесэ кончтнить.

Норовжорчтнэ од морынест

Васня монень морасызь.

Лопа экшсэ сермав кукот

Тень эрямом кукордсызь.

Виде ашо рунго  килейть

Апак пель икелень стясть.

Вана васень тюжа принеть

Паргине потмаксос прасть...

Варма ялтке пувась састо:

"Пангт вешнек се леенть прясто..."

Сюк, Вирява, эзинь фатя:

Паргинем пешксе ды стака.