Паксянь  виде кива

Паксянь виде кива

Стамбарнэ чалгсян,

Пертьпельга вановтом

Мизолдозь кайсян.

Кинть чирева цецят

Менелень кондят,

Тошкить весеменень –

Сынь паксянь ялгат.

Ве ендо пилезэнь

Куко пеняцясь –

Тякат а кунсолыцят

Чопода вирьс кадсь…

Вана пильгем алдо

Нармушка ливтясь,

Вишка сермав алнэть

Пизэнентень  кадсь.

Пульзинь куманжа лангс,

Алнэтнень ловнынь.

«Карми покш семия» –

Тенень мон кецнинь.

Вере норовжорчось

Теке поводезь.

Паксянь эрямодонть

Морась чоледезь.