Чувар лангсо

Тетям усксь вальмалов чувар,

Мартонзо ламо кеняркс –

Весе куринкань эйкакштне

Эйзэнзэ педязь педясть.

Тесэ уш анок келей ки,

Кудынеть цела ульця,

А куншкасонть верев венстявсь

Купол марто церькова.

Валскестэ чокшнес эйкакштне

Эсь «велинесэст» эрить.

«Садо кудов куш мадеме!» –

Сыненст аваст сеерить.

Тетям прясонзо чаравты:

Эйкакшпингезэ ледстявсь.

«Сави ускомс лия чувар» –

Састо эстензэ кортась.