ЭРЗИАНА эрзянский литературный сайт

ПРЯКСЛОПА
Категории раздела
Мои статьи [336]
Стихи [571]
КАВТО ВАЛСО
Статистика
Главная » Статьи » Стихи

Николай Ишуткин. РАУЖО КИЛЕЙТЬ
            РАУЖО КИЛЕЙТЬ

            Цигарка вейке кедьсэ

Сон сюворды...

(А эрсить покштянь

Лия таргамонзо.)

Ды вень куншкане,

Матедевкшны зярдо,

Ченгезь килейтнень

Некшны сон онстонзо.

Таго тензэ ледстявкшны

Верев паксясь,

Козонь прасть ламот,

Сынь ульнесть од цёрат.
             Валдочинть кис                 

Сынь эсь уцяскаст максызь,

Сынь минек кис

Максызь мазый од пораст.

Ды ней килейтне,

Теке калмо лангсо,

Керить седейть

Раужо тюсост эйсэ.

Эрсесь: вастомат

Учокшность сынст вакссо,

Мейле куломась

Вадовкс ливтнесь велькссэст...

Кадык ней паксясь

Кенярды чинь стямос

Ды од килейтне

Налксить эсь лопасост.

Сеть пултазь читнень

А стувтомс покштянень,

Сынь те шкас седей

Пельнить пеель прясо.

Маштовозтнень эрямост

Кирвазсть тештекс.

Героень казнесь

Эжди покштянь мештенть.


Категория: Стихи | Добавил: tati (18.05.2010)
Просмотров: 936 | Рейтинг: 0.0/0 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[19.01.2010][Стихи]
Александр Арапов. С... (1)
[21.10.2010][Стихи]
Исланкин Юрий Иванов... (0)
[24.01.2010][Мои статьи]
Регина БУДАРИНА. Пут... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2024
    Сделать бесплатный сайт с uCoz