Эрямонь ки лангсо 

Эрямось моли — кирекс кевери....

Киринесь соркстась — ломанесь пупорьдясь,

Вейкесь омбоценть отьма латкс тулкадсь.

Нолаштсь латконтень Ваня лелямгак...

Лисеме латкстонть а максыть киненьгак...

Кодамо ульнесь кизэнь валдо чись,

Зярдо гайневтевсь кенкшсэ баягинесь.

Ки кучинзе сынст— кияк эзь ёвта,

Куватьс а куватьс — валгак сынь эзть кая.

Лиссь кудостонзо од, мазый цёра,

Аволдась кедьсэнзэ: «Мон курок велявтан»,

Кавто ёнганзо мольсть формасо ломантне,

Прявсэнзэ сеск кивчкадсь: «Тосто а велявтан»...

Эскелесь састо комиссар ялгась,

Кодат пря потсонть ульнесть ледстнемат?

Паряк, вишкапингень стака эрямозо?

Паряк, меельсе бойсэнть виев тюреманзо....

Лечасть эйсэнзэ Симбирень больницясо,

Живстэ кадовкшнось те мазый од цёрась.

«Эряка, цёрка, минь тонь пандтнидизь—

А седе тов-васов — учик эсь уцясканть»...

Вана сон сась... Сась «уцясказояк»,

Конвоенть ютксо эскелят, комиссар,

«Истямо тевс эзинь понгоне, тетяй,

Улевлить седе од — лездавлить, коммунар...»

Истя монь лелям понгсь АДОНЬ кудонтень:

Кевкстнить седе, превс мезесь а сакшныль,

Отвечакшнось свал: а содан, эзинь марсеяк...

Пелькстамо карми — кургонзо пекстнить.

Вийтне а вейкеть— нарьгамо маштыть.

Манчить, кенгелить — ломанькс а ловить,

Кармить чавомонзо— кургсто пеензэ правтыть,