***

Вастомась ульнесь ломань пингстэ:

«Зярдо? Куватьс?» - истяконь валт.

Мик сельмтне пельсть ванномо видьстэ:

Туить кортамот – кери салт.

Явомаськак  лиссь ломань пингстэ:

Таго ёвтазельть чаво валт.

Ризксэсь лепштясь седейтнень пинкссэ,

Салавань варштавкстнэ – прок налт.

Туемстэ венстия теть кедем:

Койтне-кирдатне а коламс!

Тонь пси коморсо кельмезь кедем

Теке эй покольне солась.

Вечкемам! Тейтерьпингень мором!

Ней, зярдо уцяскам кежди,

Марян: а кедем пси коморсот –

Тардиця седеем эжни!