***

Тундонь менельсэнть од ковось

Сырнень венчекс уйсь, эзь вая...

Килейбулосо цёковось

Чокшнэ вайгель монень каясь.

Молинь стамбарнэ лей чирев,

Нежединь ашо килейнес.

Ведень жольтенть маризь пилсм,

Мерят, ёвкс тошки тень лейнесь.
 

Те лейнесь пингеде пингес

Симди вакссонзо велиненть.

Тунда совси ало пирес,

Калсо кольневти цёрынеть.
 

Вана монь вечкема калем

Веденть велькссэ комси нувсезь.

Теке лавсь ашти икелем,

Кона эйкакшпингем нурсесь.

Михаил Сатаров