Сёксень моро

Вай, таго нармунтне тусть ливтямо,

Вай, таго кизэсь монень ильтяма.

Вай, таго чопода сёксь вастома,

Вай, таго кежей теле учома.

Сёксесь сы – канды монень ризнэма,

Телесь сы – канды тень сюмордома.

Кинь пельде ды косто лезкс мон вешан?

Кинь экшес апародо мон кекшан?

Зярдо ризкстнэ, теке ёндолт, эртить,

Ды стака сельведть сельмесэм пертить,

Мейстэ муян мон эстень идема?

Кие лезды зыянонть кирдеме?

…Састо-састо вайгелем таргаса

Ды лужаня морынем рангстаса.

Морось ризксэм тапардасы-сайсы

Ды седейстэм валдосонзо айгсы.

 1986