***

Сеедьстэ кевкстнян эсень прям:

Мезекс чачинь? Мезекс касынь?

Мезес путыя мазый шкам?

Уцяска кодамо сасынь?

Кинень часия мон казинь?

Максынь-эзинь кинень кеняркс?

Паряк, эждинь кельмезь ойме?

Свал ли арсемам ульнесть ванькст?

Топавтынь ли паро койтнень:

Теинь эрямонтень поладкс?

Свал ли стихсэм виденть кортан?

Эзинь манявкшно ды манче? –

Стакат кевкстематнень путан:

Кутьмеренть кирдть, иля менче! –

Мон монсь эсь эйстэм кшнат лутан…