Нусманя моро

Блюз

Масторонть ланга эрейстэ мольтяно,

Пертьпельгаяк лиясто а вантано.

А сюморды тень неемстэ седеесь:

Мезе теи берянь ломанень кедесь.

Синдезь чувтынесь селльведьсэ аварди,

Мастораванок пишти, кувси, тарди.

Оят, мезекс колатано кудонок?

Ёвтынка, кие нолдасы чумонок?

Инешкипазось тейсь миненек мода.

Сон парсте ванстома, тон теде содат?

Минь сонзэ мештестэ виенть сайтяно,

Лисьмапрянь сельмстэнзэ веденть симтяно.

Мастораванок, пильгезэть сюконян,

Весень пежетест кис тонеть мон коман.

Эрьва тарадкеть, лопинеть, цецинеть

Тонадозо ванстомо мик эйдинесь.

 1996