ТУИЦЯНТЕНЬ
Пиже
зорят валске пувтатадызь,
Кансткезэть
путыть кши печть ды сал,
Велень
окольцянтень ильтятадызь,
Ават
ёвты килангонень вал.
Велень
стадась лиси мартот вейсэ,
Ансяк
учить эйсэнк башка кить:
Чопоньпелев
сон мекев велев сы —
Тон
аздат, козонь пильгеть чалгить.
Паряк,
теть вагонсо майсемс сави,
Ирдезкесэть
лавсятнень ловомс.
Косо эрят,
кие мельгат ваны,
Сави-арась
кудов велявтомс?
Эрьва мезесь эсь питнензэ
сайсы,
Стякодо
теть менельстэ а пры.
Мейсэ
вандынь валскесь парот пандсы?
Зярс ойме виеть, нардеть
саты?
Вант,
ютак, ансяк иля ильведе,
Седе
пек кемть ансяк эсеть лангс:
Лиясь
истя корты — седейс педи,
Ды
сезнесы сонзэ панксонь-панкс.
|