АВАНЕНЬ

Шумбрачи, авай! Велявтынь кудов.

Саты ськамот чеертнень пансемс,

Саты чинек-венек апак удо

Ёроктомо цёрынеть учнемс.

Тон кудосто монь эзимик пане.

Туинь монсь. Ледстик, кодамоль шкась:

Вачонь пекеть вирьга реветь ванынь.

Нарьгасть эйсэнь — тетязо арась.

Кода предэсь комор кснавонь кисэ

Верьс ваткимим локшосо, авай...

Тетявтомо арасель пшкадицям,

Тон аварькшнить: кирдть, цидярдт, цёрай!

Мои, авай, сестэ эзинь чарькоде —

Валот лисить нартемкс сэпень пачк,

Лият мезтькак меремс теть а кодаль —

Истя мартон кажом явить чачк.

Ней, тиринем, якамотне якавсть,

Ков ансяк эзь савкшно пачкодемс!

Теть видькстан: куш сэпей кудонь прякась,

Седе тантей эзь саво варчнемс.