*   *   *

Эждемак валсо, аштек, иля туе монь вакссто.

Каян пси чай, вейсэ симтяно, мейле сыргат.

Таргави перькан таго ськамочинь келей пакся,

Косо ве Пазось ды тон ансяк эйстэнь содат.

Таргави перькан авардиця нармунень вайгель,

Сравтовить менельганть сумборя, пиземень пельть.

Оймем сорнозеви тикшине пенесэ байгекс —

Васолкстнэ истят тандавтыцят, васолкстнэ кельмть.

Седеем монь тапардави таго тошначисэ...

Чарькодемс стака, кие а содасы те чинть.

Вайгельпенть трокс, вечкевиксэм монь, арсек тень кизэ,

Вайгельпень трокс казик тень кизэнь чипаень псинть.