КОМОЛЯВКА

                                Козо чачнесь Комолявкась...

                                    (Народонь моросто)

Козо чачнесь Комолявкась,

Козо каснесь?

Пиже зорят, мазый зорят,

Косо  вастнесь?

Вай, чачокшнось Комолявкась

Покш сад пирес.

Сэрей жолгава понавкшнось

Пирявт чирес.

Кассь сэрейстэ Комолявкась

Суркс кудрякшов.

Лембе варма, чевте ялтке

Сынст судрякшнось.

Удаласто чачсть сюротне —

Парт меленде.

Удаласто, удаласто —

Мода мендить.

Кортыть, валскень зорянть марто

Садонь кужос

Комолявканень сюконясь

Усав Шужось.

Вай, сюконясь, вай, сюконясь,

Ды мерсь састо:

— Тонь лангс сёксня, Комолявка,

Мон урьвакстан.

А киштитнень киштевтьсынек

Мартот вейсэ.

А морытнень моравтсынек

Гай вайгельсэ.