Эрзянь мастором, чачи модам,

Вечктян мон тонь, аздангак кода.

Вечксынь паксят,

                                вечксынь виреть,

Келей лугат ды лей чиреть.

Тесэ зярдо-бути эрсекшнесь,

Тештес содозь лавсем нурсекшнесь,

Ды пря песэнь авам морась:

«Шумбракс,

                         виевекс каст, цёрам!»

Алкукс касьшь шумбракс, виевекс,

Лаки кедьсэнь эрьвата тевесь

Ды бажан весемень теемс —

Тонь, родной край, мазыйкс неемс!

Зярдо жо пран лугас оймамо,

Тон пря пезэнь сакшнат комамо

Ды авань валсо тень морат:

«Шумбракс,

                          виевекс ульть, цёрам!»

Эрзянь мастором, чачи модам,

Вечктян мон тонь, аздангак кода.

Вечксынь паксят,

                                   вечксынь виреть,

Келей лугат ды лей чиреть.