ВАЛГСЬ ЧИСЬ
 

Валгсь чись. Ды кизэнь лембе чокшнес

Тусто садстонть паро ваномс.

Тешттне мизолдыть чувттнэнь тёкштнес

Умарькстнэнь юткова — яном.
 

Туян умаринатнень алга.

Карми ильтемень валдо ков.

Ды, кода умонь паро ялга, —

Лембе моросонзо цёков.
 

Секс молезь а карман сиземе,

Кивчкаест куш кери ёндолт.

Пельтне валыть виев пиземе

Лисить чирестэст лейть ды сёлтт.
 

Лымбазь, шольнезевить сынст ведтне,

Летькедест тикшеть улить начкт.

Монень венстевить ковонь кедтне

Чувттнэнь лопав тарадост пачк.