***

Цянавтне чинть лембе манейсэ

Вастызь эсест важов кизэст.

Кавтонь-кавтонь полат, сынь вейсэ

Витнить-теить ташто пизэст.

Чоледить нармунень эсь кельсэст,

Викшнить моросост пси коштонть,

Сынь тякаст трямонть кирдить мельсэст –

Эрямонь тевенть сех покшонть.
 

Кукось вирьсэнть ранги-кукорды.

Цянавтне капшить — прядыть тевть.

Лембе менелесь мартон корты,

Кудом пештить чинь лембе чевть.