Велявтома

Ленбе, маней валске. Келей паксятнева

Сюронь волнат чевте варминесь панси.

Ливчакавтозь пувси Чаунза велеванть,

Панжозь вальматнева прок инже совси.

Сравтовсь келей лугат веленть удалганзо,

Сынст куншкава чуди Пьяна лей.

Кевень покш од сэдесь ней венстевсь троксканзо ,

Чиреванзо касыть тумот ды килеть.

Мон ютан лугаванть...Норовжорчонь гайтне

Ды цветямонь коштось каршозоньуить.

Кизэнь валскень росанть свежа,ванькс ведьбайгтне

Сэрей тикшенть лангсо теке сяткт цитнить.

Пек покшолгадсь велем,школа куншказонзо,

Да,тесэ тонавтнинь мон кемень иеть.

Чинть каршо мизолдозь,налксить бокасонзо

Сиянь вайгель, валдо сельме эйкакшкеть.

Шумбрат, родной школам, тон вечкевикс велем!

Мон поздоров марто капшинь тезэнь самс.

Лецтямс эйкакш порам, вадрялгавтомс мелем,

Седейга вечкевикс ёнксом лангс варштамс.