Сура чирес вирьга сан.

Лексян ванькс кошттонть домкасто

Ды марян: еще касан.

Леесь чольни тень пандалдо,

Килейть мартост монь саить.

Ашолдыця рунгонь валдост

Сынь монь оймезэм каить.

Лопань даволт варманть марто

Наяи тейтерекс киштить.

Тумот, бутрав тюссо артозь,

Састо ве ёнов аштить.

Эрьвась юткстостнейке  кизэнть

Весе седейсэ учи.

Варштась иды таго кекшсь чизэ,

Мерят, тейсь сон чумочи.