***

Эрьва чи Нишкепазонтень чекан,

Сыре аванень шумбрачи вешан.

Колмо цёрат сон мода лангс нолдась,

Колмо тейтерть масторонтень чачтась.

Сыречись апак учо, састо сась,

Ды тундонь ловокс шумбрачись ёмась.

Сон вальманть вакссо ськамонзо ашти,

Чоподанть пачка Алопев ваны.

Учи, цёранзо-урьвинензэ сыть,

Содамонзо-тейтерензэ варштыть.

Весе седейсэ самозост кеци,

Ярсамопель столь лангс  сыненст тарги.

Авань лангс ванозь, седеем ризны:

Вай, курок, курок  авам а ули,

Модань пингезэ сонзэ эль ютась,

Тоначив менди-уски вармась-шкась.

Верепазонтень эрьва чи чекан,

Тиринь аванень шумбрачи вешан…