АДЯДО, БРАТТНЭ, МИНЕК МАСТОРОВ!

Адядо, браттнэ, минек масторов,

Минек масторсо эрямось паро!

Сторонасонок оля, весёла.

Минек масторсо Ульян пандо ули,

Се пандонть прясо ули поляна,

Се полянасонть пижине луга,

Се луганть лангсо лиси лисьмапря.

Вай, сиякс лиси лисьманть ведезэ,

Сырнекс кеверить лисьманть кевензэ,

Топо сюкорот лисьманть поронзо,

Вай, макокс чавовт лисьманть илэнзэ,

Пижень решётка сонзэ чапозо,

Сиянь баяга лисьманть ведразо,

Вай, потмо рисьме ведранть пиксэзэ.

Се лисьманть перька мазый сад касы,

Вай, иезэнзэ колмоксть сон цвети,

Вай, иезэнзэ колмоксть кенерсти,

Ашо цветсэнзэ мастор ашолды,

Мазый умарьсэ мастор мизолды.

Адядо, ялгат, минек масторов,

Минек масторсо эрямось паро!

Вай, фабриканок сынсь штердить-кодыть,

Ды машинанок сынсь видить-сокить.

Инзеень танстесь минек масторсо,

Пеште тов растесь сторонасонок.