|
|
Эрюш Вежай. Бабинетне эрзякс кортыть…
Бабинетне эрзякс кортыть…
Косто марямс эрзянь келенть?...
Эрзянь велев ардодо,
Ало пева, Вере пева
Ютадо… Кунсолодо…
Бабинетне эрзякс кортыть
Вальма ало озадо…
Вейкесь обмоценть кавани
Прякадо ды позадо…
Тона суски, поза коршты,
Памшты-теи, киведи:
-Кода теить? Мезе путыть?-
Шабранть кевкстни ялгазо…
- Кода паневсть истят тантейть?
Келеськак ва нилеви!-
- Исяк чокшнэ чапакс путынь,
Валскес парсте сыргазо…
Каинь комоляведь оргат,
Ичинь кедьсэ, скалкасо…
Тапинь алнэть, каинь ойне,
Мерькинь ашо модамарть,
Теинь весе авань койнекс,
Тензэ чансть Паз максозо…-
Бабинетне эрзякс кортыть
Вальма ало озадо,
Кортыть мазый эрзянь кельсэ
- Састыне… Кунсолодо…
Эрюш Вежай
2010 ие, медьков |
| Категория: Стихи | Добавил: tati (28.07.2010)
|
| Просмотров: 952
| Рейтинг: 0.0/0 |
|
|
|
