|
|
Числав Журавлев. Тиринь раськень моро...
***
Тиринь раськень моро,
Тонстеметь мон кие?
Мон тонстеметь торо,
Кона олгокс сиви.
Ды, прок вачо пеке, -
Пакша ававтомо.
Мон тонстеметь, теке
Нармунь сёлмовтомо.
Моро, эйдень шкасто
Оймем потсо эрят, -
Парсте арсезь, састо
Молеме тень мерят.
Ламоксть, моро, мартот
Изнинь ловов китнень.
Монень стакаль, зярдо
Экшсэть рунгом витнинь.
Эряк, моронь кужо,
Сыргавт чинек-венек,
Цецякс иля пужо –
Эждяк седеенек.
|
| Категория: Стихи | Добавил: tati (07.10.2009)
|
| Просмотров: 1181
| Рейтинг: 0.0/0 |
|
|
|
