СЫРГОЗСЬ ВЕЛЕСЬ

Лисьмапринесь, теке вишка пакша,

Чольнезь чии сэрей кальтнень алга.

Толкан лейстэнть чейтне апак капша

 Атякс сыргасть сонзэ каршо ялго.
 

Анеявикс кедьсэ яходсь вармась:

Кальтне мендявсть ды шошнозевсть чейтне,

Ковось лейсэнть экшелямо кармась,

Сёлтонть песэ аварьгадсть мацейтне...
 

Тештне кончтнить. Кинень? Сынсь а содыть.

Ды кукорды кукось — зяро иеть

Азортомо улят, тиринь мода,

Ды зярс саты истя майсемс виеть?
 

Серьгедсь атякш ташто латонть алдо,

Моротнеде сыргозсь минек велесь.

Чизэ лембендсь. Ушось таго валдо!

...Паряк, алкукс ютась стака телесь?

А.А.Мухин. Последний снег. 1963