ПЕШКСЕ КЕЧЕ

                                                     Коляненъ

Макст, Ине Паз, миненек течи

Покш шумбрачи ды пешксе кече,

Пуреде пештязь, човсо вельтязь.

Паз, иля кирде седейть тертязь!

Макст тенек ки ды оймень валдо,

Кучт маней чить менелеть алдо,

Ды ламо-ламо нуцькань вайгельть —

Сынь кадык пингеть ютамс гайгить.

Ведьгемень иеть мельгат чиить,—

Ды каршоткак — ведьгемень иеть,

Прок ашо локсейть, уить састо

Ды кандыть вий теть лисьмапрясто.

Те виенть ванстык сядо иес,—

Мартонзо сат Кинельчанть чирес

Ды сярдокс ютат чудильмаванть.

Таргасак лейстэнть пси ведьаванть

Ды мерят тензэ: — Калонь ямось

Ды лиясь-мезесь... мик ярсамось —

Пуреде мейле эрсить яла...

Вай-вай те шкас эзитень пала!

Тон мерят, теке вадьсак медьсэ

Се цецянть, кона ашти кедьсэть,

Сон педи тонеть, теке карво.

Истямо арво — Пазонь арво!..