Он
 

Масторава, ули-парот палыть!

Преветь коськить! – неян стака он, -

Валдо ойметь бутрав сельгсэ валыть,

Зярс тень цидярдомо кармат тон?

Эрзянь мастор, эрзянь оймень пизэ,

Лавсьсэ эйдеть аволь эрзят ней.

Эрзянь алянть аволь эрзя низэ, -

Истят койтне косто пачкодсть тей?

Онось моли: таргозсь Равонь чамась,

Чинев коштканть чары-вели корш,

Нучконть кургсто ванны кулозь ёрш,

…Тенси кельстэнь эрзянь валтнэнь вармась.