|
|
Числав Журавлев. Новольсь ташто иесь...
***
Новольсь ташто иесь,
Стясь Од иень чись
Ды, прок эйкакш, чиезь
Веленть куншкас лиссь.
Совась минек кудос,
Валгсь столенек экшс.
Мезе тосо путозь -
А кельгстяви пекс!
Столенть экшсэ - пакшам,
Вакссом - мазый ним -
Сынст мон шнамо капшан,
Сынь - монь сюпавчим.
Ташто ие, мерян
Сюкпря теть сень кис:
Живан, ломанькс эрян -
Сован яла вийс.
Тонь каршо, Од ие,
Кода эрси свал,
Кадык эрьва кие
Канды кши ды сал.
|
| Категория: Стихи | Добавил: tati (31.12.2009)
|
| Просмотров: 1153
| Рейтинг: 0.0/0 |
|
|
|
