МАСТОР-АВА

Тонстеметь мон — сёлмовтомо нармунь.

Тонстеметь мон, прок  лукштомо тов.

Тонстеметь монь вием, теке карвонь.

Тонстеметь мон — чадыведень чов.

Вейсэ  мартот  свал  мон  паро  вийсан.

Седейшкава  ванстан мирэнь чи.

Теян тракторт, сокан, изан, пивсан,

Инжень вастозь кандан сал ды кши.

Эйкакш пингень шкасто ванстат эйсэнь,

Истя ванстыть тетянь-аваньгак.

Виень лисьмапря тон эрьва тевсэнь.

Бути прангак, мерят: — Церам, стяк!

Стяк ды вант ней иля пупордякшно,

Превей ломанькс валдо кис тон листь.

Лавшо шкасто беряньс иля пракшно.

Берянь тевде пингеть ютамс виздть.

Зярдо  карминь  помнямо,  тон  кортат:

— Ялгат марто кши сускомот явт.

Панжозь кирдть тон оят туртов ортат.

Врагот каршо кевень стенат стявтт.

Истя  кортазь,  тиринь Мастор-ава,

Весень седейс сятконь валот прасть.

Ванстазь мирэнть кисэ тонеть Слава! –