Нина Ильинична Верховцева-Старкова - монь васенце учительницам, поэзиянь мазынть невтицям. Покш мельспаросо лецтяса те превей ды мазый аванть. Сон кандсь седейзэнек ламонь содамос бажамо. Васенце стихем сонензэ невтнинь. Мелезэнь кадовсть валонзо: "Стихесь - те моро. Сонзэ сёрмадомо кияк а тонавтни. Эряви чачомс истямокс".    Ч.Журавлев

КОСО ВАЛТНЭ ЭРИТЬ?

Монь васенце тонавтыцянтенъ,

Нина Ильинична

ВЕРХОВЦЕВАНЕНЬ-СТАРКОВАНЕНЬ

Сёксень валске марто

Совить классозонок.

Превей, мазый, паро,

Варштыть чамазонок.

- Эйкакшт, шумбратадо! —

Седейшкава мерить.

Кевкстить:

— Содатадо, Косо валтнэ эрить?

Ды тонсь ёвтыть тенек:

— Моросо ды ёвкссо,

Эрить чинек-венек

Седеень путовкссо.

Валтнэ арсемасо

Ёжонь сталмот кандыть.

Валтнэ валдо прясо

Эрить — паро пандыть.

Валтнэ, тештть прок, весэ

Невтить ёнксонь кинек...

Вети эсь кедьбесэ

Тонавтыцясь минек...