Каргонь вайгель

Вармась укстась,

Умарь прась

Умарь чувтонть прясто.

Сырнень укскась,

Сырнень шкась

Ливтить састо-састо.

Каргонь вайгель:

«Ку-ро-кур!» -

Сэрей моронь кирьга.

Коштось гайги:

Су-ра-сур!

Паксява ды вирьга.

Ожо цецят

Веленть пес

Каргонь морось каясь.

Ковось лейсэнть

Пелевес

Руцят муськсь ды ваясь.

Веленть пестэ,

Варштась чись,

Каргонь морось прядовсь.

Тонь палсеманть

Сэпей псись

Турва пезэнь кадовсь.