|
|
Числав Журавлев. Апак лотксе чуди пингень леесь...
***
Апак лотксе чуди пингень леесь,
Чинек-венек сон монь терди тов,
Косто сыргась минек раськень келесь,
Конань течи копачизе лов.
Солыть валон лангсто эсень пандтнэ,
Келем лейнекс туи моданть трокс,
Нарвить морот эрзянь музыкантнэ -
Эрямонок карми теке ёвкс.
Аволь чаво паксяс валги мором.
Оймем мари - валдо шкатне сыть.
Кеман, карми кортамо мастором
Тиринь кельсэ - апак визде, чить.
Весе карми истя, кода мерить
Тенек минек превтне, оймень псись.
Эрикст сеть, кить эсест койсэ эрить
Ды кинь седейс ваны маней чись.
|
| Категория: Стихи | Добавил: tati (10.04.2011)
|
| Просмотров: 1052
| Рейтинг: 5.0/1 |
|
|
|
